Мектептегі іс шаралар
1. Азаматтық –патриоттық, құқықтық және поли мәдениеттік тәрбие.
2. Рухани- адамгершілік тәрбиесі.
3. Отбасы тәрбиесі
4. Өзін-өзі тану мен өзін –өзі дамыту қажеттілігін қалыптастыру.
5. Әлеуметтік –мәнді және жеке қасиеттерін қалыптастыру.
6. Коммуникативті мәдениетті қалыптастыру.
7. Экологиялық тәрбие
8. Эстетикалық тәрбие
9. Дене тәрбиесі мен салауатты өмір салтын және денсаулық қорғаушы орта қалыптастыру.
10. Еңбек және экологиялық тәрбие
11. Кәсіби-шығармашылық тәрбие
12. Интеллектуальды мәдениетті дамыту.
Тәрбие – халықтың ғасырлар бойы жинақтап іріктеп алған озық тәжірибесімен ізгі қасиеттерін жас ұрпақтың бойына сіңіру баланың қоршаған ортадағы қарым-қатынасын, дүниетанымын өмірге дегенкөзқарасын және соған сай мінез-құлқын қалыптастыру. Мектептегі жалпыға бірдей құқықтық оқыту бойынша аудандық білім бөлімінің бұйрығын негізге ала отырып, мектепте бұйрық шығарылды. Ол бойынша 1-11 сынып оқушыларына сынып жетекшілер құқықтық оқытуды жүргізеді. Педагогикалық ұжым мен ата-аналар арасында құқықтық оқыту жүргізу үшін педагог кадрлар таңдап алынып, тақырыптық лекциялар, әңгімелер жыл бойы жүргізіледі. Мектептегі жалпыға бірдей құқықтық оқыту күні аптаның дүйсенбісі.
10-11 сынып оқушылар арасында заңнамалар үнемі таныстырылып отырады. Олар Президенттің Жолдауы, «Неке және отбасы», «Балалар құқығы» туралы,қылмыстық кодекс т.б. әр айдың дүйсенбісі күндері осы заңдар оқылып, жылда мамыр айында тестік жүйеде сынақ тапсырылады. Мектепте өткізілген тәрбие жұмыстарының басты мақсаты: Оқушыларға құқықтық тәрбие бере отырып, жеке тұлға етіп қалыптастыру, Өз отанына деген сүйіспеншілігін арттыру, КР Президенттінің жолдауын, «Қазакстан - 2050» бағдарламасын орындау мақсатында салауатты өмір салтын қалыптастыру, нашақорлыққа, ішімдікке қарсы күрес жүргізу, халык педагогикасы негізінде тәрбиелеу. Мектепте ата-аналар комитеті жұмыс істейді. Ата-аналар комитетінің мүшелері сайланған, төрағасы Нұралиева Сәрсенкүл .Ата-аналар комитетінің жылдық жоспары түзіліп, бекітілген. Сол жоспар бойыншажиналыстар, отырыстар өтіп тұрады. Ата-аналар комитеті мүшелерімен бірлесіп түрлі такырыпта іс - шаралар («Қыз сыны». «Жігіт сұлтаны». т.б.). тәрбие сағаттар сайыстар өткізіледі.
Құкықтық тәрбие және жасөспірімдердің арасында қылмысты болдырмау, оның алдын алу мақсатында мектепте «Жас инспектор» атты топ кұрылды. Ол топтың жылдық жоспары түзіліп, бекітілген. Әр токсанда бір рет отырыс болып тұрады. Аудандык ішкі істер қызметкерлерімен тығыз байланыста. ЮПТУПИ полиция аға лейтенаты Нысанбеков Дәурен, УПИ полиция маеры Жакипов Болат және полиция капитаны Исабеков Ерғали мектепке кездесулерге, рейдтерге,пікір таластарға, жиналыстарға қатысып тұрады.Мектебімізде Діни экстремизм және терроризмге қарсы жылдық жоспар жасалған, жоспарға сай жұмыстар атқарылып келеді. «Абай» ауыл округы «Бейбітшілік» елді мекені мешітінің имамы Нуридин ағамызбен кездесулер өткізілген. Мектепте сынып жетекшілер әдістемелік бірлестігі жұмыс жасайды. Бастауыш сынып бірлестігін Қошқарова Забира басқарады. Ол мамандығы бойынша бастауыш сынып мұғалімі, жоғары білімді. Шарапов Жанар 5-8 сынып жетекшілер ӘБ-ін басқарады, ол мамандығы бойынша қазақ тілі мен әдебиеті пәні мұғалімі, 9-11 сынып жетекшілер әдіс бірлестігін Жұрымбаева Бибігүлбасқарады, ол мамандығы бойынша тарих пәнінің мұғалімі, жоғары білімді. ӘБ сынып жетекшілер отырысында құқық бұзушылықтың алдын алу мақсатында мектеп инспекторы да сұхбат жүргізіп отырады.
Әр бірлестіктің жылдық жоспары түзілген, әр тоқсанның соңында отырыстар болып тұрады. Отырыстарда сынып жетекшілердің өткізілген ашық тәрбие сағаттары, сынып сағаттары, түрлі іс-шаралардың өтілу сапасы талқыланады. Жас маман сынып жетекшілерге көмек береді. Жас маман 1 «Г» сынып жетекшісі Түйебаева Гүлзадаға тәжірибелі ұстаз Жакипова Баян тәлімгер болды. Жас маман 2 «В» сынып жетекшісі Алданова Гүлшатқа 4 «В» сынып жетекшісі тәжірибелі ұстаз Анарбаева Айнұр, жас маман 3 «А» сынып жетекшісі Қорғанбаева Жадыраға 3 «Ә» сынып жетекшісі тәжірибелі ұстаз Мамбетова Қарлығаш, жас маман 5 «А» сынып жетекшісі Бейсенова Балзияға 11 «Ә» сынып жетекшісі Жұманова Дина, жас маман 8 «Б» сынып жетекшісі Төлепов Ералыға дене шынықтыру пәні мұғалімі Ыстыбаев Бижігіт тәлімгер болды. «Ең үздік сынып жетекші-2013» байқауын ӘБ жетекшісі Қошқарова Забира апай ұйымдастырып өткізді. Сайыс қорытындысы бойынша қазақ тілі мен әдебиет пәні мұғалімі5 «В» сынып жетекшісі Қалдарова Нұргүл бас жүлдені иеленді.
Мектеп оқушылардан бірыңғай мектеп формасы талап етіледі.
Қазақстан Республикасының мемлекеттік рәміздері - талапқа сай ілініп мектеп фаесінде орналастырылған.Рәміздерді насихаттау жұмыстары үнемі жүргізіледі.
Мектепте «Жасыл ел» бағдарламасын жүзеге асыру мақсатында, мектеп ауласындакөгалдандыру, көріктендіру жұмыстары үнемі жүргізіліп отырады. 5-11 сыныптар аралығында әр сыныпқа жер учаскелер бөлінген.
Учаскелерде ағаш түрлері, жеміс ағаштар, көп жыл өсетін гүлдер егілді. Қыркүйек айында сынып бөлмелерінде өсірілетін гүлдер сайысы өтті. Әр жұма күні сыныптарда тазалық күні өтеді.
Салауатты өмір салтын насихаттау мақсатында мектебімізде әр жылы қыркүйек айында «Денсаулық фестивалі» өткізіледі. Ол күндері барлық сыныптар іс-шараларға қатысады. Түрлі спорттық жарыстар, жаттығулар бастауыш сыныптарда эстафеталық ойындар өткізіледі. Мектептің мұғалімдері арасында спорттық жарыстар өтеді. 2014 оқу жылында «Белсенді ұзақ өмір – жүз жасты тойлауға кепіл!» ұранымен , «Денсаулык фестивалі -2014 » атты өткізілді. Фестиваль барысында
«Ұрпақ денсаулығы - ұлт денсаулығы», «Өзіңді АИТВ мен ЖИТС» ауруынан қорға тақырыптарда түрлі іс-шаралар тренингтер, плакат сайыстары өтілді. Мектепте «Қызжібек» атты қыздар кеңесі кұрылған. Кеңесті жетекшілікке алған мектебіміздің тарих пәні мұғалімі Аширова Майра. Кеңестің жылдық жоспары түзіліп, бекітілген. Кеңес отырысы айына бір рет өткізіліп тұрады. Мектепте өтілетін түрлі іс-шараларға «Қызжібек» қыздар кеңесі өз үлесін қосып отырады.Отырыстарда түрлі баяндамалар, пікірталастар, сауалнамалар жүргізіледі.Мектепте психологтар Бакирова Айнұр және Аджиханова Қанзада апайлардың ұйымдастырумен «Сенім жәшігі» және «Сенім телефоны» жұмыс атқарады. «Сенім жәшікке» түскен сұрақтар. өтініштер қаралып, мүмкіндігі болғанша көмек беріледі.
Осымен қатар мектепте «Ұлдар кеңесі» құрылып, жоспар түзілді. Ұлдар кеңесіне мектебіміздің дене шынықтыру пәні мұғалімі Қыдырбаев Жомарт жетекшілік етеді.Жоспарға сәйкес әр айдағы отырыстажоғары сыныптың ер балдарымен әкелер кеңесі, мектеп инспекторымен құқық қорғау ұйымдарымен «Жас полицияшы» штабының мүшелерімен әкелер кеңесі және ата-аналар кеңесінің төрағасымен бірлесе отырып«Жасөспірім-отбасы, қоғам және заң» такырыбында дөңгелек үстел ұйымдастырылды. Тәртібі қиын және құқық бұзушылыққа бейім қолайсыз отбасынан шыққан оқушыларға психологиялык, әлеуметтік көмеккөрсетілді. Жас өспірімдер арасында қылмыс пен құқық бұзушылықтың алдын-алу мақсатында «Қылмыс қайдан шығады?» тақырыбында кездесулер, жиындар өткізілді.2013-2014 жылдар арасында аудандық білім бөлімімен және аудандық спорт бөлімімен келісе отырып спорттық іс-шаралар ұйымдастырылды.
01.12.2013 жылы Тұңғыш Президент күнін атап өту іс – шарасы түзіліп бекітілді. Іс-шара барысында тарих пәні мұғалімі Аширова Майра және ағылшын тілі пәні мұғалімі Ырысбекова Ғалия апайлардың ұйымдастырумен бірге «Н.Ә. Назабаевтың ұлттық, аймақтық және жаһандық қауіпсіздікті қамтамасыз етудегі рөлі» атты семинар ұйымдастырылып өткізілді.
Семинар барысында мектебіміздің оқушылары өз шығармашылықтары бойынша «Елі сүйген, елін сүйген Елбасы», «Президентім менің», «Президентке арнау», «Достық туын көтеріп», «Елбасы», «Президентім Н.Ә.Назарбаев», «Елбасымыз», «Ер қанатты –елбасым» тақырыптарында өлеңдер оқылды.
Елбасы –Тұңғыш Президенттің Тәуелсіз Қазақстанның тәуелсіздік алуындағы, оны қалыптастырудағы және нығайтудағы шығармалар байқауы ұйымдастырылып өткізілді.
Қазақстан Республикасының Тұңғыш Президенті күні мерекесіне және Қазақстан Республикасы Тәуелсіздігінің 22 жылдығына орай «Есірткісіз –болашаққа» ұранымен мектеп оқушылар арасында өткізілген аудандық спартакиадаға қатысып жүлделі орындарды иеленді. Мақтарал ауданы жалпы орта мектебі, негізгі орта мектебі және мектеп гимназия мұғалімдерімен Қазақстан Республикасы Тәуелсіздігінің 22 жылдығына және Мақтарал ауданының 85 жылдығына орай баскедболдан жарыста ІІ орынды иеленді. 2013жылы 8 желтоқсанда өткізілген аудандық жарыста ІV орынға қол жеткізді. Сондай –ақ Сарағаш ауданы «Қажымұхан» атындағы балалар мен жасөспірімдер спорт мектебінің баскедболдан 1997-1998 жылы туылған қыздар арасында өткен біріншілігі арасында оқушыларымыз ІІ орынды иеленді. Ауған соғысы ардагерлерінің интернационалистік борышын өтегеніне 25 жыл толуына орай өткізілген аудан біріншілігінде оқушыларымыз ІІІ орынды жеңіп алды. Сарағаш қаласында «Алтын күз-2013» баскедболдан өткізілген қыздар арасындағы облыстық жарыста ІІ орынды иеленді.
Мектебімізде өнерпаздар үйірмесі жұмыс жасайды. Олар: «Домбыра дастан» домбыра үйірмесі, «Дарынды жастар» хор үйірмесі жетекшісі Н.Дәрібаева, «Айгөлек»би тобы жетекшісі Иманқұлова Бибігүл. Би топтарының киімдері ата-аналардыңдемеушілердің көмегімен камтылды.
Мектебіміздің оқушылары ән- би байқауларында аудандық, сайыстарда жүлделі орындарға ие болды. Өз өнерімен көзге түсіп, бірнеше марапаттарға ие болған оқушыларымыз: М.Қалдыбай, «Айгөлек» би тобы. 2012 жылы аудандық «Біз таланттарымызды іздейміз» аясында өткізілген өнер фестивалінде музыка пәні мұғалімі Иманқұлова Бибігүл дипломмен марапатталды.
Мектептің әлеуметтік педагогі Ешанқұлова Сауле 2003 жылы М.Әуезов атындағы Оңтүстік Қазақстан мемлекеттік университетінің Қазақ тілі мен мен әдебиеті пәні мұғалімі мамандығын бітірген.
Мектебімізде аз қамтамасыз етілген отбасы балаларының тұрмыс – жағдайы зерттеліп, оларға қолдау көрсету мақсатында «Қамқоршылық» кеңесі құрылып, мүшелері сайланып, әрдайым қолдау көрсету мақсатында аз қамтылған отбасы балаларына мемлекет қаржысынан және мемлекеттен тыс демеушілер тарапынан көмек көрсету жұмыстары жоспарланған. Әр жылы ата-аналармен оқушылардың көңіл – күйі көтеру мақсатында «Мектепке жол» акциясы мерекелік іс – шарамен өтіледі. Мектебімізде 4 жетім және ата-анасының қамқорлығынсыз қалған бала, 41 жартылай жетім және 291аз қамтамасыз етілген отбасынан шыққан бала оқиды. 4 тұл жетім оқушыға тұрғылықты демеушіміз бар. Мектепте жалпыға бірдей міндетті оқу қоры есебінен 30 оқушы тегін ыстық тамақпен қамтылған.Бұл оқушы санының 3,6 пайызан құрайды. Жалпы мектебімізде буфеттік тамақты сатып алатын оқушы саны 500 – 600 оқушы. Сонымен қатар денсаулығына байланысты диспансерлік есепте тұратын оқушылар үнемі медбикенің бақылауында, ал үйде оқытылатын 8 оқушыға әлеуметтік материалдық көмектер берілуде.
Мектеп тәлімгері Қарабаева Жанар 2012 жылы Сырдария университетінің орыс тілі мен әдебиеті мамандығын бітірген. Барлык еңбек өтілі–2 жыл.
Жоспарға сай жиналыстар мен салтанатты жиын өткізіледі. Салтанатты жиында оқушылар ұйымға кабылданады. Бұрыштамалар мен көптеген іс-шаралар өткізілді.
Республикалық «Жас Ұлан» балалар мен жасөспірімдер ұйымының жылдық жоспары түзіліп, бекітілді. Жоспарға сәйкес «Жас Ұлан», «Жас Қыран» ұйымы қатарындағы сынып оқушыларынан белсенділері анықталып, топ басшылары сайланды.
Мектебімізде және аудан көлемінде өткізілген әрбір іс-шараларға белсене қатысып отырды. Жоспар бойынша әр ай соңына қарай Республикалық «Жас Ұлан» балалар мен жасөспірімдер ұйымының отырысы болып, келе жатқан айға түзілген іс-шаралармен таныстырылды.14 желтоқсан күні Қазақстан 22 жылдығына орай «Тәуелсіздік желтоқсанның жемісі» атты мерекелік іс-шара өткізілді. Мерекелік іс-шара бойынша оқушылар өз шығармашылығы бойынша өлеңдер оқытылды.
21 желтоқсан күні Жаңа жыл мерекесіне арнап 7 сынып қыздар арасында «Қарша қыз» атты өнер сайысы болып өтті. Сайыста 7 «А» сынып оқушысы Таубай Ұлбосын белсенділік танытып жеңіске жетті. Қатысушылар мақтау қағазымен марапатталды.